BoxUp

Is réiteach nuálach agus áisiúil é an Córas Taisceadán BoxUp a ceapadh chun an ghníomhaíocht choirp a dhéanamh níos inrochtana do chách. Leis an gcóras seo, is féidir le húsáideoirí páirceanna rochtain a bheith acu ar threalamh spóirt saor in aisce ar feadh suas le 3 uair an chloig san iarraidh. Níl le déanamh ach an aip BoxUp a íoslódáil, saor in aisce, agus beidh tú in ann trealamh a fháil as taisceadáin atá suite go straitéiseach i bpáirceanna áirithe ar fud Chontae Bhaile Átha Cliath Theas.

Tá an córas BoxUp le fáil i bPáirc Ghleann na Dothra agus i bPáirc Ghort na Feá faoi láthair—láithreacha a roghnaíodh ós rud go bhfuil áiseanna spóirt iontu cheana féin. Tá cúirteanna cispheile, cúirteanna leadóige agus páirceanna imeartha sa dá pháirc sin, rud a fhágann gur áiteanna foirfe iad do na taisceadáin BoxUp chun cur leis na háiseanna gníomhaíochta coirp atá ann cheana féin. Cuirtear spás iontach ar fáil don phobal chun sult a bhaint as spóirt agus gníomhaíocht choirp leis na páirceanna sin, agus soláthraíonn na taisceadáin BoxUp an trealamh breise a theastaíonn uathu chun na gníomhaíochtaí sin a dhéanamh níos inrochtana fós.

Ag féachaint chun cinn, tá áthas orainn a fhógairt gur roghnaíodh trí láthair eile don chóras BoxUp agus tá sé beartaithe iad a sheoladh in 2024 agus 2025. Fágfaidh an leathnú seo go mbeidh sé níos éasca ná riamh do chónaitheoirí áitiúla a bheith rannpháirteach i stíleanna maireachtála gníomhacha, beag beann ar an áit ina gcónaíonn siad i gContae Bhaile Átha Cliath Theas. Níl sa Chóras Taisceadán BoxUp ach bealach amháin ina gcuirimid spórt agus gníomhaíocht choirp ar fáil do chách, chun pobal níos sláintiúla, níos gníomhaí a chur chun cinn.